Фотографиите од рускиот претседател Владимир Путин на одмор станаа вистинска атракција. Голем број светски медиуми објавија дека Путин летувал во јужниот дел на Сибир каде што е снимен како се сонча, рибари, плива, њурка и пешачи..
Покрај риболовот на планинските езера во јужен Сибир и шетањето по прекрасната, густа Сибирска шума, Путин поминал два часа и во подводен лов на штука.
За време на краткиот одмор, на Путин друштво му правеле министерот за одбрана Сергеј Шојгу, претседателот на Република Какасија – Виктор Зимин и градоначалникот на Тува Шолбан Кара-ул.
Рускиот претседател своите авантури ги овековечувал со “GoPro” камера, а тие снимки заедно со останатите видео клипови и фотографии, вклучувајќи ги и оние направени со дрон, наскоро ќе бидат објавени.