Седум продолжени викенди во Новата 2017 година. Еве кои се…

Во 2017 година македонските граѓани ќе имаат дури седум продолжени викенди, затоа што од 11-те неработни денови за сите граѓани, седум се поврзуваат со викендот.

Првиот продолжен викенд веќе помина за време на пречекот на Нова година бидејќи 1 јануари беше во недела и слободниот ден беше префрлен во понеделник.

Православните христијани ќе имаат продолжен и втор викенд во новата година, затоа што Бадник или 6 јануаери е неработен и се паѓа во петок.

И за големиот христијански празник Велигден кој годинава како неработен е на 17 април, а потоа следува Денот на трудот – 1 Мај. Двата празника се во понеделник.

Продолжен викенд за сите граѓани ќе има и во јуни кога се празнува Рамазан Бајрам, односно бидејќи празникот е во недела на 25 јуни, се префрла во понеделник.

Повеќе ќе се одмара и за 8 Септември – Денот на независноста, потоа за Денот на македонската револуционерна борба – 23 Октомври што паѓа во понеделник, апотоа продолжен викенд има со 8 Декември – „Св. Климент Охридски“ кој се празнува во петок.

Неработни за сите граѓани се и 24 мај – Денот на сесловенските просветители, 2 август – Денот на Републиката и Денот на народното востание – 11 октомври, кои годинава се во среда.

Граѓаните од православна вероисповед најмногу ќе одмараат за големиот христијански празник Велигден бидејќи за нив освен понеделникот – 17 април, неработен ќе биде и петокот – 14 април. Продолжени викенди православните верници ќе имаат и за Бадник на 6 јануари – петок, за Духовден на 2 јуни – петок и за Успение на пресвета Богородица, кој годинава е во понеделник. Како неработен ден за православните верници е и Богојавление – Водици, кој е во четврток.

Годинава, православниот Велигден е во исти ден со католичкиот Велигден така што и верниците од католичка вероисповед ќе празнуваат на 17 април – понеделник. Граѓаните од католичка вероисповед ќе имаат уште еден продолжен викенд за католичкиот Божик, кој годинава е во понеделник. За католиците неработен е и Празникот на сите светци – 1 ноември кој е во среда.

Граѓаните од муслиманска вероисповед ќе имаат продолжен викенд за Курбан Бајрам кој е на 1 септември во петок, додека албанската заедница ќе го слават како неработен ден и 22 ноември – Денот на албанската азбука, кој е во среда.

Припадниците на српската заедница годинава ќе имаат продолжен викенд за празникот Свети Сава кој е во петок на 27 јануари. Ромите ќе го слават Меѓународниот ден на Ромите во сабота на 8 април, додека припадниците на влашката заедница ќе празнуваат на 23 мај за Националниот ден на Власите, кој е во вторник.

За Еврејската заедница во Македонија неработен е првиот ден на Јом Кипур на 30 септември во сабота, додека Бошњачката заедница ќе го празнува 28 септември – четврток односно Меѓународниот ден на Бошњаците. Неработен ден за припадниците на турската заедница е Денот на наставата на турски јазик на 21 декември.

ПОВРЗАНИ ВЕСТИ

e