Претседателот на САД, Доналд Трамп, дал оставка на стотина позиции во своите компании, покажува документот на Организација Трамп.
Во документот на 19 страни пишува: “Јас, Доналд Џ. Трамп, со ова давам оставка на секоја позиција која ја држам”, а понатаму се наведени повеќе од 400 негови компании. Писмото е потпишано од Трамп, а на него се наоѓа датумот 19-ти јануари, ден пред да ја даде заклетвата на местото претседател на САД.
Шон Спајсер, портпарол на Белата куќа во понеделникот пред новинарите изјавил дека двајцата постари синови на Трамп целосно ги контролираат неговите компании.
Трамп на прес конференција на 11-ти јануари вети дека ќе го пренесе управувањето на бизнисите на фондот кој го водат неговите синови Доналд Џуниор и Ерик Трамп.
Алан Гартен, адвокат на Организација Трамп, рекол дека таа организација вработила и советници кои се занимаваат со етички прашања и правни регулативи.
