Во Нов Зеланд битка за спасување на 200 китови

Група од околу 100 волонтери се фатија за раце и направија човечки синџир во длабока вода со цел да спречат околу 200 китови повторно да се насукаат на брегот, на северозапад на новозелндскиот Јужен Остров, каде оваа недела 300 китови изумреа.

Ова е најголем инцидент со насукување китови во Нов Зеланд од 1985 година, кога на брегот на Окланд се насукаа 450 китови.

Групата од околу 100 волонтери, со помош на три брода, успечно ги спрели китовите, блокирајќи им го патот до брегот. Потоа китовите се тргнаа од брегот, а бродовите ги следеа се додека не се повлече плимата.

– Емотивно, многу стресно… бидејќи можете да го слушнете довикувањето на китовите, изјави еден од волонтерите.

Околу 100 китови, кои се насукаа во текот на ноќта, во зора плимата ги врати во морето, но отсекот за нивно зачувување соопшти дека китовите ќе бидат усмртени со цел да не се скрати страдањето, бидејќи нивната здравствена состојба не е добра.

Причината не е позната, но насукувањето на китовите не е ретка појава во Златниот Залив, бидејќи плитката и матна вода може да го попречи сонарот кој китовите го користат за движење, соопштија од групата „Проект Џон“.

ПОВРЗАНИ ВЕСТИ

e