Доколку републиканскиот кандидат за претседател на САД, Доналд Трамп победи на изборите во ноември, тоа ќе биде проблематично за целиот свет и ќе ги охрабри оние што го имитираат во Европа, изјави денеска претседателот на Европски парламент, Мартин Шулц.
Тој за германскиот весник „Шпигел“ истакна дека „ако човекот кој се расфрала со тоа за што нема поим и елитистичките бесмислици ги нарекува специјално знаење, заврши во Белата куќа, тоа ќе биде критично“.
Шулц предупредеува дека таквото сценарио би значело дека „очигледно неодговорен човек“ ќе биде на функција која бара најголема одговорност.