Рускиот претседател Владимир Путин денеска ги повика граѓаните на својата земја в недела да гласаат на парламентарните избори, јавуваат светските агенции.
„Барам да одите да гласате и да го изразите својот став“, изјавил Путин во телевизиски говор, кој не бил најавен од Кремљ.
Тој изјавил дека учеството на гласањето е задача на секој граѓанин на земјата.
„Убеден сум дека без разлика на политичкото мислење што го имаме, учеството на гласањето е цивилна задача за секој од нас, манифестација на нашите чувства кон нашата земја и на нашата грижа за нејзината иднина… Направете го својот избор, гласајте за Русија“, рекол Путин.
Право на глас на изборите в недела имаат речиси 110 милиони гласачи, кои треба да го изберат новиот состав на руската Дума, во која сега доминира партијата на Путин, Обединета Русија.
Повеќе од 6.500 кандидати од 14 партии се борат за влез во Думата, но некакви значајни промени не се очекуваат на овие избори.