Албанската Влада на вчерашната седница го усвои Предлог-законот за заштита на националните малцинства во земјата, што набрзо треба да се најде на дневен ред на Парламентот.
Во член 3 од Законот пишува дека за национални малцинства во Албанија се сметаат: Грците, Македонците, Власите, Ромите, Египќаните, Црногорците, Бошњаците и Србите.
Со законот се гарантира претставување и негување на нивните културни, етнички, јазични и верски карактеристи и традиции, како и право во идентифкација, образование…
Како што понатаму стопи во во член 3 од законот, формалното признавање на националните малцинства сега се прави со закон, на иницијатива на Владата и по предлог на министерот за внатрешни работи, а врз основа на барања на претставници на малцинствата.
Албанија за првпат носи ваков закон.
Засега нема реакции од малцинствата околу Предлог-законот, што всушност е донесен под силен притисок на претставниците на малцинствата, кои имаат голема поддршка и од Народниот правобранител и претставниците на меѓународната заедница во Албанија.
Со донесување на ваков закон Албанија е условена и од ЕУ, за са може да ги почне преговорите за членство.
Албанската Влада досега не ги признаваше малцинствата на цела територија на земјата. На пример Македонци беа признаени како малцинство само во областа на Мала Преспа, Грци во јужниот, а Срби во северниот дел од земјата. секаде на друго место тие мора да се пишуваат за Албанци, а ако се изјаснат поинаку плаќаа глоба од 1.000 евра.