Никола Груевски е една голема лага, која што во изминативе 11 години, со помош на пропагандата, упорно за себе креира слика која што едноставно не постои.
Слика: живеам во стан(ови) на мајка ми
Реалност: купувам плацови на Водно (оградени со ѕид де, да не се гледа од долу)
Слика: организирам протести за одбрана на црква
Реалност: го бранам дилот за Белата палата (за да излезам на тераса)
Слика: немам кола
Реалност: се возам во најскапата кола купена во историјата на Македонија
Слика: правам листи на предавници и автоматски сум “најголем” патриот
Реалност: “со оној што е асли Грк” и “со оној на А”, договарам промена на името
Слика: ве повикувам да ја браниме Македонија (како демек во опасност е)
Реалност: продолжувам да Ве делам и внесувам омраза помеѓу Вас, за да може да го одбранам украденото и да не паднам од власт
И ги измеша сликите и реалноста во својата глава.
Токму затоа, истиот тој Груевски, сака граѓаните да не веруваат во тоа што го слушнаа вчера во програмата на новата влада – дека унитарноста и иднината на Македонија не се доведени во прашање, туку да продолжат да веруваат на неговите пропагандни лаги.
Но, вистината нели, е како шило и таа и овојпат излегува на површина.
Паднаа сите маски, се разводнија сите слики.
Никола Груевски заминува од власт. Тоа, автоматски значи и крај на делбите, поделбите, омразата.
И Македонија нема да исчезне, затоа што него ќе го немало на власт.
Напротив. Токму спротивното. Ќе биде посилна од било кога. Баш заради тоа што веќе нема да е на власт.
Затоа што ќе ја вратиме Македонија во нормала.
Македонија ќе ја направиме достојно место за живеење за сите нас !
Без оглед на нашата етничка, верска или партиска припадност.
Затоа што тоа го заслужуваме !!!!
Фејсбук статус на Петре Шилегов