Самсоненко се премисли во врска со Вардар

Сергеј Самсоненко се премисли и денеска изјави дека нема да си оди од Вардар како што претходно најави. Како што рече, одлуката ја донел непромислено, со жешка глава, лут на медиумските написи.

„Реков дека ова ми е последна сезона во сите три клуба и после нема да инвестирам. Сакам да објаснам дека причината е само една – се собра цел куп пишувања од одредени медиуми, кои промовираа невистини за мене, превртуваа факти. Тоа ми се собра до срце, со жешка глава ја кажав. Јас не сaкав да си одам од Вардар и сакам да кажам да не веруваат во невистините што ги пишуваат за мене. Сакам да им порачам на тие што пишуваат, немате ни срам, ни совест, ве сметам за предавници. Јас не сум направил ништо лошо во оваа држава. Јас дојдов тука и ја засакав како моја. Тоа што правите за мене е ‘дно-дна’. Јас не сакав да заминам и нема да заминам од Вардар. Ќе останам и во лошо и во добро, ќе дадам се од себе, ќе помагам како и да е на сите клубови. Сакам да кажам дека ги повикувам сите добри луѓе без разлика на националност, вера, партија, сите да не поддржат. Заедно да се бориме против неправди. Сигурен сум дека ќе направиме уште успеси. Ќе бидеме уште подобри“, изјави Самсоненко.

ПОВРЗАНИ ВЕСТИ

e