Претседателот на СДСМ, Зоран Заев, упати телеграма со сочувство до претседателот на Руската Федерација, Владимир Путин, премиерот Дмитриј Медведев и граѓаните на Русија за трагичната авионска несреќа со многу жртви што денеска ја потресе земјата.
„Изразувам искрено сочувство до семејствата на настраданите, до рускиот народ и до државно – владиниот врв, во име на граѓаните на Р.Македонија, Социјалдемократскиот сојуз и мое лично име, за трагичната авионска несреќа во којашто авионот Ту-154 на руското Министерство за одбрана се урна во Црното море на пат кон руската база Хмејмим.
Длабоко не потресе веста за падот на авионот со 93 патници и членови на екипажот, најголем дел од нив музичари од рускиот воен хор Александров кои требало да настапат на прославата за Нова Година во базата, како и новинари и руски воени офицери.
Во овој тежок ден за Русија, нашите мисли се со фамилиите на загинатите и со граѓаните на Русија со надеж дека ќе најдат сила за утеха за ненадоместливата загуба.
Изразуваме подготвеност за помош во рамки на нашите можности“. – стои во телеграмата.