СДСМ: ВМРО-ДПМНЕ создаде долгорочни штети врз инфраструктурата, ќе има одговорност за сите злоупотреби

Неодоговорното и коруптивно владеење на ВМРО-ДПМНЕ во изминатите 11 години зад себе остави огромни штети врз интересите на граѓаните и државата.

Огромните пропусти во изградбата на автопатите Кичево-Охрид и Миладиновци – Штип предизвикаа огромни штети врз потребите и интересите на граѓаните и угледот на државата. Брзајќи да ги добијат своите договорени провизии за кои слушна целата јавност, Никола Груевски и неговите соработници ги погазија интересите на граѓаните, предизвикувајќи долгорочни последици и дополнителни финансиски импликации.

Зад таканаречените проекти на ВМРО-ДПМНЕ во инфраструктурата постојат единствено криминал и корупција, а доказ за тоа се истрагите на Специјалното јавно обвинителство токму за автопатите Кичево –Охрид и Миладиновци – Штип како и обвинението за проневера и перење пари при изградбата на автопатот Демир Капија – Смоквица, случај кој беше под истрага и на Европската агенција за борба против корупцијата, ОЛАФ.

СДСМ, преку новата Влада што ја предводи активно работи во интерес на граѓаните и на поправање на штетите што ги создаде ВМРО-ДПМНЕ, вклучително и на автопатот Кичево – Охрид. Ќе има санација на сите штети, но и одговорност за секое работење спротивно на интересите на граѓаните и државата и за секоја злоупотреба на парите на граѓаните, реагираат од СДСМ.

ПОВРЗАНИ ВЕСТИ

e