Министерот за земјоделство, шумарство и водостопанство, Љупчо Николовски, заедно со пратеникот Васко Ковачевски, денеска го посетија ЈП “Стрежево”, во Битола, кое е од огромно значење за наводнувањето на земјоделските површини во овој регион.
-Со директорот на ЈП “Стрежево”, Менде Граматковски, разговаравме за состојбата со наводнувањето во овој регион. При тоа ни беше презентирана мапата за динамичката регулација на главниот доводен канал од браната Стрежево, односно начинот како водата за наводнување стигнува до земјоделците. Како Влада, ќе ги преземеме сите потребни мерки со цел водата да дојде до нивите каде што е потребно, бидејќи наводнувањето е основата за едно модерно и конкурентно земјоделство, информира министерот Николовски.
