Денеска, членот на Извршниот одбор на СДСМ и министер во владата на Р.Македонија, Љупчо Николовски се сретна со жителите на с.Бегниште и с.Возарци, кавадаречко.
-Ги информирав дека работиме на системски мерки за справување со горкиот проблем со недостиг на вода за наводнување кој ги мачи со години и за нашата долгорочна стратегија за рехабилитација, одржување и изградба на хидросистеми за наводнување. Воедно им соопштив дека интензивно се работи на забрзување на процесот на исплата на обештетувањата од временските непогоди кои се случија во април, годинава.
“Доста е преживување” – гласно коментираа насобраните жители овде на крајот од нашата денешна средба. И се согласувам со нив. Ајде да го вратиме животот овде и во цела Македонија! – потенцира министерот Николовски.
