На маргините од 11-тиот годишен работен состанок на министрите за земјоделство од Југоисточна Европа, министерот за земјоделство, шумарство и водостопанство, Љупчо Николовски се сретна со Џејмс Мекбет, директор на германската интернационална соработка (GIZ) за Македонија и Косово и Др. Герман Јеуб, генерален директор за ЕУ политика и интернационална соработка во германското министерство за земјоделство.
-Германија го препознава и поддржува реформскиот процес во Македонија и во таа насока договоривме тесна соработка во рамки на земјоделските реформи, споделување на искуства и знаење и подигнување на оперативното ниво на македонското земјоделство, потенцира Николовски.