Денеска во Охрид, министерот за земојделство, шумарство и водостопанство, Љупчо Николовски заеднички со Хидробиолошкиот завод и со Државниот инспекторат за земјоделство, изврши порибување на Охридското езеро со 100.000 единки,подмладок од ендемичниот вид охридска пастрмка.
“Годинава Охридското езеро ќе се пориби со вкупно 2.500.000 единки, за што во Програмата за финансиска поддршка во рибарството и аквакултурата, се предвидени средства во износ од 10 милиони денари.
“Акцентот го ставаме на порибувањето на природните езера, а особено на Охридското Езеро, заради зачувување на ендемскиот вид на охридската пастрмка. Како ресорно министерство ќе работиме на одржување и зголемување на рибниот фонд”, изјави Николовски.
