Во пресрет на годинешниот гроздобер, министерот Николовски и неговиот тим започнуваат посети на винарски визби – откупувачи и преработувачи на грозје.
Денеска, беше остварена посета на првата приватна винарска визба во Македонија, Бовин, каде се запозна со инвестициските планови на оваа визба, но и со нивниот план за годинешниот откуп на грозје.
-Ова е само прва од серијата посети што планираме да ги реализираме со винарските визби – откупувачи и преработувачи на грозје, пред почетокот на гроздоберот, информира Николовски.
Министерството за земјоделство, шумарство и водостопанство – #МЗШВ, става посебен акцент на развојот на овој земјоделски сектор.
Како Влада, ќе дадеме огромна поддршка за промоција на македонските вина на меѓународните саеми и пазари, потенцира министерот.
