Денеска, министерот за земјоделство, шумарство и водостопанство, Љупчо Николовски, оствари средба со новата амбасадорка на Јапонија, во Република Македонија, Кеико Ханеда.
На средбата амбасадорката Ханеда, ја потврдила силната поддршка за развојот на македонското земјоделство. Разговарале на кој начин да се продолжи користењето на финансиските средства од јапонскиот компензациски фонд. Овој фонд ќе даде дополнителен поттик за развој на македонското земјоделство, преку зголемување на конкурентнската способност на примарното земјоделско производство и преработувачката индустрија.