По 45 минути од почетокот заврши протестот организиран од ВМРО-ДПМНЕ пред Министерството за правда. И на вториот ден од протестите, партискиот лидер Никола Груевски не доби поддршка од Извршниот комитет на партијата, иако по логиката на нештата тоа така требаше да биде. На протестот се појавија само Антонијо Милошоски и Влатко Ѓорчев, како и стотина партиски симпатизери.
Ѓорчев го затвори протестот со својот говор во кој ги повика граѓаните утре да дојдат во поголем број пред Кривичниот суд, каде ќе се одлучува по жалбите за определените мерки притвор.