Денеска, министерот за земјоделство, шумарство и водостопанство, Љупчо Николовски, заедно со Г-ѓа Вирве Вимпари, од Делегацијата на Европската унија, заеднички го најавија официјалното започнување на проектот “Мали, нискотрошковни, еколошки прифатливи системи за наводнување: избирање на локации и подготовка на целосно тендерско досие за изградба“.
Проектот е во вредност од околу 1,7 милиони евра а е финансиран од Инструментот за претпристапната помош – #ИПА, на Европската унија.
Овој проект ќе придонесе за зголемување на конкурентноста на земјоделскиот сектор и ублажување на негативните ефекти од климатските промени.
“Нашите идни политики имплементирани во Националната програма за земјоделство и рурален развој, се во насока на зголемување на потенцијалот за наводнување,преку рехабилитација и изградба на нови системи за наводнување, вклучувајќи и мали системи за наводнување”, вели министерот Николовски.