Условната казна за дел од насилниците кои тепаа пратеници за дел од правните експерти е скандалозна. Поранешниот обвинител Александар Наков вели дека на обвинетите мора да им се суди за различни дела и да не се ставаат сите во ист кош и со исто обвинение.
„Незадоволително е и самото обвинение. Самата скратена постапка како и донесената пресуда за мене е крајно скандалозна. Сите учесници имав прилика да ги видам на веќе изложените снимки каде јасно се гледа нивното делување на поединечни и во дејства кои не значат учество во толпа, туку се потешки кривични дела.“ – изјави за Алсат-М Александар Наков – поранешен јавен обвинител.
„ Меѓутоа остануваат нивните дејанија со кои имаат сторено потешки кривични дела, а за кои сè уште Јавното обвинителство не се произнесува или сака да ја замајува јавноста укажувајќи дека нема пријави од МВР или за тоа сè уште нема обезбедено докази.“ – додава Наков
Наков смета дека судот и Јавното обвинителство работат во корист на власта во заминување, минимизирајки го делото на насилниците кои пред камери тепаа пратеници. Различните аршини на обвинителите и судот испливаа на површина кога демонстрантите на случајот „Монструм“ добија затворски казни од по 2,5 години за кршење на прозорци на судот.