Поради високото ниво на загаденост на воздухот во Општина Карпош, градоначалникот Стефан Богоев денеска ги образложи сите ургентни мерки кои во моментот ги презема Општината за намалување на степенот на загаденост.
Ова се интерветните мерки за справување со загадувањето во Карпош:
-Набавка на прочистувачи за воздух за сите градинки и училишта во Општина Карпош;
-Донесување на Одлука за субвенционирање на заштитни маски за граѓаните, со свикување на вонредна седница на Советот на Општина Карпош;
-Запирање на градежните активности на Општина Карпош;
-Барање до инвеститорите да запрат со градежните активности и узурпирање на јавните површини;
-Повик за општествена одговорност на приватниот сектор, преку донација на прочистувачи за воздух, маски или финансиски средства на наменска сметка на Општината објавена на официјалната веб страница.