Денеска по повод Светскиот ден на поезијата, Општина Центар во соработка со Институтот за македонска литература организираше дебата посветена на младите писатели Фросина Пармаковска, Петар Андоновски и Драгана Ефтимова.
Дебатата која се одржа во општинската читална „Славко Јаневски“ ја отвори градоначалникот Саша Богдановиќ.
„Задоволство ми е што сме организатори на овој настан. Општина Центар сакам да биде промотор на вакви манифестации бидејќи авторите треба да го имаат местото кое го заслужуваат.Моја заложба е соработката со Институтот за македонска литература да продолжи и да се продлабочува“, рече Богдановиќ.
Светскиот ден на поезијата се одбележува од 1999 година.
„ Поезијата мора да го направи светот подобар и поубав. На овој ден им порачувам на сите љубители на убавиот збор дека поезијата за разлика од прозата има помал број читатели и затоа треба сите да ги анимираме со вакви настани и да им ја доближиме поезијата уште од најрана возраст“, рече Ана Мартиноска.
Младите автори Фросина Пармаковска, Петар Андоновски и Драгана Ефтимова говореа за своето творештво, мотивите и инспирацијата.