Десетици илјади тони стока за Македонија, почна да се собира на Солунското пристаниште, откако грчките фармери го блокираа граничниот премин кај Евзони.
Дел од камионите кои превезуваат суровини како челик и никел, направија обид да ја преминат границата преку споредни патишта, бидејќи главните се затворени од трактори и земјодлеци.
Тие беа наредени од фармерите кои протестираат против социјалното осигурување и високите даноци во Грција. Постојат стравувања дека ако блокадата не биде укината до крајот на викендот, акумулацијата на стоки ќе го преоптовари пристаништето и ќе создаде проблеми со компаниите во Македонија, кои ги очекуваат нивните испораки, пишува грчкиот весник „Екатимерини“.
И викеднов Евзони е затворен за сообраќај, додека премините Дојран и Меџитлија се отворени .